మెదడుకన్నా కళ్ళు చాలా వెగంగా పని చేస్తాయట

మన కళ్ళు కేవలం ప్రపంచాన్నే చూడటం కాకుండా రాబోయే విపత్కర పరిస్థితులను కూడా ముందుగానే పసిగట్టగలవని పరిశోధకులు చెపుతున్నారు. ఇవి మెదడుకన్నా వేగంగా స్పందిస్తాయన్నారు.

స్విట్జర్‌లాండ్‌కు చెందిన బేసల్‌లోని ఫ్రెడరిక్ మైషేర్ ఇన్స్‌టిట్యూట్ ఫర్ బయోమెడికల్ రీసర్చ్‌కు చెందిన ఓ పరిశోధనా బృందం పరిశోధనలుగావించింది.

ఈ బృందం చేసిన పరిశోధనల్లో కళ్ళలోని రెటీనాలోని ఓ నరం మెదడుతో సంబంధం లేకుండానే స్పందిస్తుందని తేలింది. ఆ నరాన్ని ఇటీవలే కనుగొన్నామని పరిశోధకులు తెలిపారు.

మెదడుతో సంబంధం లేకుండానే ఈ నరం మనిషిని జగృతపరుస్తుందని న్యూ సైంటిస్ట్ ఓ నివేదికలో తెలిపింది. ముఖ్యంగా స్థనాలున్న ప్రాణుల కన్నుల్లో రెటీనాలో లంబకోణాల మార్పులను పసిగట్టేస్తుందని, ఇది న్యూరాన్లను హెచ్చరిస్తుందని పరిశోధకుల బృందం తెలిపింది.

ఎలుకలలోని కళ్ళలోని నరాలలో ఈ మార్పును తాము గమనించినట్లు వారు వెల్లడించారు. ఈ నరాలు తమ కంటికి దూరంగా ఏవైనా పదార్థాలుంటే వెంటనే వాటినుంచి తమను తాము కాపాడుకునేందుకుగాను మెదడుకన్నాకూడా వేగంగా కళ్ళు ప్రతిస్పందిస్తాయని వారు పేర్కొన్నారు.