కొవ్వును కరిగించాలంటే...

ప్రస్తుతం అస్తవ్యస్తమైన జీవితంలో ఉరుకులు పరుగులు తప్ప శరీరానికి కావలసిన సరైన వ్యాయామం, పౌష్టికాహారం చాలా మంది తీసుకోవడం లేదు. దీంతో శరీరంలో కొవ్వు శాతం అధికంగా పేరుకుపోతోంది. శరీరంలో పేరుకుపోతున్న కొవ్వును కరిగించాలంటే...రుతువులకు తగ్గట్టు లభించే కూరగాయలు, పండ్లు, పీచుపదార్థాలు కలిగిన ఆహార పదార్థాలను సేవిస్తుండాలి.

ముఖ్యంగా క్రమం తప్పకుండా వారానికి ఒకసారి సగ్గు బియ్యం ఉడకబెట్టుకుని అందులో పాలు, చక్కెర కలుపుకుని సేవిస్తే శరీరంలో పేరుకుపోయిన కొవ్వు కరిగి ఆరోగ్యానికి చాలా మేలు కలుగుతుందంటున్నారు ప్రోఫెషనల్ అసోసియేషన్ ఆఫ్ జర్మన్ ఇంటర్నిస్ట్ సభ్యుడు రిచర్డ్ రైడేష్వ్ తెలిపారు.

దీంతోపాటు నిత్యం తక్కువ చక్కెర కలిగిన ఆహార పదార్థాలను సేవించండి. పాలు, టీ, కాఫీ, తీపి పదార్తాలు తీసుకునేటప్పుడు తక్కువ శాతం చక్కెర ఉండేలా చూసుకోవాలంటున్నారు ఆరోగ్య నిపుణులు.

ముఖ్యంగా చాలామంది పెరుగులో చక్కెర కలుపుకుని తింటుంటారు. ఇలా తింటే వారి ఆరోగ్యానికి చాలా ప్రమామదం. శరీరంలో కొవ్వు శాతం పెరగడమే కాకుండా మధుమేహానికి దారి తీస్తుందంటున్నారు వైద్యులు.

ప్రధానంగా మాంసాహారులైతే మాంసాన్ని సేవించడం తగ్గించండి. దీంతో శరీరంలో కొవ్వు అధికంగా పేరుకుపోదు. అలాగే ప్రకృతిపరంగా లభించే ఆహార పదార్థాలను నిత్యం క్రమం తప్పకుండా వాడుతుంటే రక్తంలో కొలెస్ట్రాల్‌ను నియంత్రించవచ్చంటున్నారు ఆరోగ్య నిపుణులు.

ఆహార నియమాలను పాటించాలి. నియమానుసారం వ్యాయామం చేస్తుండాలి. పీచుపదార్థాలను ఎక్కువగా తీసుకుంటుండాలి. దీంతో శరీరంలోని బరువు, కొవ్వును తగ్గించవచ్చు. క్రమం తప్పకుండా నియమానుసారం వ్యాయామం, భోజనం సరైన మోతాదులో తీసుకుంటుంటే ఎలాంటి మందులు లేకుండానే శరీరంలోని కొవ్వును తగ్గించవచ్చంటున్నారు ఆరోగ్య నిపుణులు.