పాలీ హైడ్రామ్నియాస్‌ ఉమ్మనీరు అధికంగా ఉండడం

పాలీ హైడ్రామ్నియాస్‌ లేక ఉమ్మనీరు ఉండవలసిన దానికంటే బాగా ఎక్కువగా, 2000 మి.లీ. కంటే ఎక్కువ ఉండే అసాధరణ స్థితి. అల్ట్రాసౌండ్‌ పరీక్షద్వారా ఈ పరిస్థితిని సులభంగా, కచ్చితంగా గుర్తించ వచ్చు. 0.4 - 1.5 శాతం గర్భాలలో ఈ సమస్య ఉంటుంది.
కారణాలు

1.తల్లికి సంబంధించినవి:

• మధుమేహవ్యాధి ఉన్న గర్భాలలో 1.5-6.6 శాతానికి పాలీహైడ్రా మ్నియాస్‌ సమస్య ఉంటుంది.
• తల్లికి గుండె జబ్బు, మూత్రపిండాల వ్యాధులు
• ఆర్‌.హెచ్‌. ఇంకంపొటబిలిటీ సమస్య వల్ల కూడా ఉమ్మనీరు అధికంగా ఉండవచ్చు.
  2.మాయకు సంబంధించినవి:
• మాయ అసహజంగా ఉన్నప్పుడు, మాయ రక్తనాళాలకు సంబంధించిన సమస్య ఉన్నప్పుడు ఉమ్మనీరు అధికంగా ఉండవచ్చు.
• మాయలో కణితి
  3.శిశువుకు సంబంధించినవి:
• ఒకే అండాన్నుండి ఏర్పడిన కవలలు ఉన్నప్పుడు 25 శాతం కేసుల్లో ఈ సమస్య ఉంటుంది. ఉమ్మనీరు అధికంగా ఉండే కేసుల్లో 12.7 శాతానికి కారణం శిశవుకు వైకల్యాలు
• గర్భం సమయంలో ఇన్ఫెక్షన్లు
• రక్తానికి సంబంధించిన సమస్యలు
  
  రకాలు
• కొద్ది వారాలలో నెమ్మదిగా పెరగడం
• అకస్మాత్తుగా కొద్దిరోజులలో పెరగడం
• సామాన్యంగా ఉమ్మనీరు క్రమంగా, నెమ్మదిగా ఎక్కువవుతుంది.
  
  లక్షణాలు
• తల్లి పొట్ట చాలా పెద్దదిగా ఉండి నడవడమే అతి ప్రయాసగా ఉంటుంది.
• ఆయాసం, సొమ్మసిల్లిపోవడం, గుండెదడ ఉండొచ్చు.
• పాదాలు, కాళ్ళవాపు, సిరలు పొంగడం ఉంటుంది.
• పొట్టను పరీక్షించినప్పుడు విపరీతంగా పెరిగిన గర్భాశయం ఉంటుంది.
• పొట్టమీద చర్మం బిగసి, సాగి, మెరుస్తుంది.
• ప్రక్కలు నిండుగా ఉంటాయి.
• శిశువు శరీర భాగాల్ని తాకడం కష్టమవుతుంది. ఏ పొజిషన్లో బిడ్డవుందో తెలుసుకోవడం,
• గుండె చప్పుడును వినడం కష్టమవుతుంది.
• యోనిద్వారా పరీక్ష చేసినప్పుడు సర్విక్స్‌ తెరుచుకుని ఉండి బిడ్డను చుట్టి న పొరలు ఉబ్బి వేలికి తగలుతాయి.
  
  ఇతర పరీక్షలు
• రక్తం గ్రూపు, ఆర్‌.హెచ్‌, టైపు పరీక్ష
• హిమోగ్లోబిన్‌, పూర్తి బ్లడ్‌ కౌంట్స్‌
• బ్లడ్‌ షూగర్‌
• మూత్రం పరీక్ష
• షూగర్‌, ఆల్బుమిన్‌, చీముకణాలు
• ఎక్స్‌-రే అల్ట్రాసౌండ్‌
  
  రాగల ప్రమాదాలు
• తల్లికి, బిడ్డకు కూడా కొన్ని ప్రమాదాలు, అనారోగ్యాలు రావచ్చు. ఉమ్మనీరు ఎక్కువగా ఉండడం, గర్భాశయం కండరాలు విపరీతంగా సాగడం కార ణంగా సమస్యలు వస్తాయి.
• గర్భం కారణంగా వచ్చే అధిక రక్తపోటు
• నెలలు నిండకమునుపే ప్రసవం
• ప్రసవానికి ముందే ఉమ్మనీటి సంచి పగలిపోవడం
• గుండె, ఊపిరితిత్తులమీద ఒత్తిడి కారణంగా ఊపిరి అందడం కష్టమవడం
• ప్రసవ సమయంలో మాయ విడిపోయి అధిక రక్తస్రావం, షాక్‌లోకి వెళ్ళడం
• బొడ్డుతాడు కిందికి ఉండడం, కిందకు జారడం
• ఆపరేషన్‌ చేసే అవకాశం ఎక్కువవడం
• ప్రసవమయాక అధిక రక్తస్రావం
• ఏమ్నియాటిక్‌ ఫ్లూయిడ్‌ ఎంబాలిజమ్‌
• ప్రసవం తరువాత గర్భాశయం సక్రమంగా ముడుచుకోకపోవడం, గర్భం పూర్వస్థితికి రాకపోవడం
• ఇన్ఫెక్షన్‌ ప్రమాదం ఎక్కువ ఉండడం
  
  బిడ్డ
• నెలలు నిండక మునుపే ప్రసవమయే అవకాశం ఎక్కువ ఉండడం వల్ల, బొడ్డుతాడు కిందకు జారడం, మాయ విడిపోయి అధిక రక్తస్రావం కార ణంగా శిశువుకు ఊపిరి అందకపోవడం వలన చనిపోవచ్చు.
• శిశువుకు ఉన్న కొన్ని వైకల్యాలు వల్ల కూడా చనిపోవచ్చు.
  
  సంరక్షణ
• హాస్పటల్లో ఉంచి తల్లిని సంరక్షించి ఆమెకు ఉన్న బాధల్ని తగ్గించడానికి తగిన చర్యల్ని తీసుకోవాలి.
• శిశువుకు చాలా ప్రధానమైన వైకల్యాలు ఉన్నాయేమో తెలుసుకోవడానికి పరీక్షల్ని చెయ్యాలి.
• ప్రోటీన్‌ ఎక్కువ, ఉప్పు తక్కువ ఉన్న ఆహారాన్ని తీసుకోవాలి.
• ఈ సమస్యతోపాటు ప్రీ ఎంక్లాప్సియా, డయాబెటిస్‌ ఉంటే వాటికి తక్ష ణం చికిత్స చెయ్యాలి.
• శిశువుకు వైకల్యాలు లేనప్పుడు, మందులతో చికిత్స వల్ల ఆయాసం, గుండె దడ తగ్గకుండా
• తీవ్రమయినప్పుడు తగిన జాగ్రత్తలు తీసుకుం టూ 400-500 మి.లీ. ఉమ్మనీటిని గర్భాశయం లోపలినుండి తీసే యాలి. ఇలా ఉమ్మనీటిని తీసినప్పుడు 50 శాతం కేసుల్లో ఉంటే ప్రారం భమవచ్చు.
• శిశువుకు వైకల్యం ఉంటే గర్భస్రావం చెయ్యాలి.
• బొడ్డుతాడు కిందకు జారిందేమో, బిడ్డ అసహజమైన స్థితిలో ఉందే మోనని జాగ్రత్తగా గమనించాలి.
• బిడ్డపుట్టాక రక్తస్రావం ఎక్కువ అవకుండా ఉండటానికి తగిన చర్యల్ని తీసుకోవాలి.